Այս հեղինակային մոդելի՝ վեհաշուք Արարատ լեռան ուրվագծով նարդին պատրաստված է ընկուզենու մեկ զանգված փայտից՝ բոխու փայտի ինկրուստացիայով: Նարդին ամբողջությամբ պատված է բարդ էլեմենտների համադրությամբ և յուրօրինակ հյուսվածքներով: Նարդու մի կողմում փորագրված է Յարխուշտա պարի տեսարան, որը համարվում է Սասունցի հայ ռազմիկների հաղթական պար: Հայկական ռազմական խրոխտ պարերը արտացոլում են հայ ժողովրդի հերոսական ոգին և անկոտրում կամքը: Ծափ-պարերում շարժումները կարծես թե փոխարինում են զենքին և յուրովի նմանակում դրանց հարվածն ու բախման ձայնը: Նարդու մյուս կողմում շաշկու համար նախատեսված դաշտ է, որի  վրա փորագրված է զարդանախշ-հյուսվածք:

Ամբողջությամբ ձեռագործ աշխատանք է: Պատված է մեղրամոմով, ծխնիներն ու փականները ձուլված են բրոնզից: Նարդու խաղադաշտը մեկ զանգված փայտից է:

Արժեքի մեջ ներառված են՝

• 32 նարդու խաղաքարեր՝ փայտի և մետաղի յուրահատուկ համադրությամբ: Հիմքը պատրաստված է հաճարենու և ընկուզենու փայտից, որի վրա տեղադրված է ալլոյից (ալյումինի և ցինկի ձուլածո) և բրոնզից ձուլված Հավերժության նշանը:

Խաղաքարերի հիմքը պատված է թավշյա կտորով:

• զառեր՝ պատրաստված բիլիարդի գնդերից,
• ֆիրմային պայուսակ՝ փայտե բռնակով:

Նարդու համար տրվում է 25 տարվա երաշխիքային հավաստագիր:

Արարատ լեռան ուրվագծով նարդիների հեղինակն է Հրաչյա Օհանյանը՝ 2000թ-ից ի վեր: