Այս հեղինակային մոդելի՝ վեհաշուք Արարատ լեռան ուրվագծով նարդին պատրաստված է ընկուզենու մեկ զանգված փայտից՝ բոխու փայտի ինկրուստացիայով: Նարդին ամբողջությամբ պատված է բարդ էլեմենտների համադրությամբ: Նարդու մի կողմում փորագրված է գյուղական տեսարան, որտեղ կանանցից մեկը, հին ավանդական տարբերակով, խնոցիով կարագ է պատրաստում, իսկ մյուսը ճախարակով թել է մանում: Նարդու մյուս կողմում շաշկու համար նախատեսված դաշտ է, որի  վրա փորագրված է զարդանախշ-հյուսվածք:

Ամբողջությամբ ձեռագործ աշխատանք է: Պատված է մեղրամոմով, ծխնիներն ու փականները ձուլված են բրոնզից: Նարդու խաղադաշտը մեկ զանգված փայտից է:

Արժեքի մեջ ներառված են՝

• 32 խաղաքարեր պատրաստված հաճարենու և  ընկուզենու փայտերից, որոնց հիմքը պատված է թավշյա կտորով,
• զառեր՝ պատրաստված բիլիարդի գնդերից,
• ֆիրմային պայուսակ՝ փայտե բռնակով:

Նարդու համար տրվում է 25 տարվա երաշխիքային հավաստագիր:

Արարատ լեռան ուրվագծով նարդիների հեղինակն է Հրաչյա Օհանյանը՝ 2000թ-ից ի վեր: