Այս հեղինակային մոդելի՝ վեհաշուք Արարատ լեռան ուրվագծով նարդին, պատրաստված է ընկուզենու մեկ զանգված փայտից՝ բոխու փայտի ինկրուստացիայով, որի մի կողմում փորագրված է Նոյի պատմությունը, որտեղ նա ջրհեղեղից փրկվում է իր ընտանիքով  և կենդանիների բոլոր տեսակներով՝ տապանով հանգրվանելով Արարատ լեռան վրա, դրա համար էլ Արարատ լեռն ընկալվում է, որպես մարդկության փրկության խորհրդանիշ։ 

Նարդու մյուս կողմում շաշկու համար նախատեսված դաշտ է, որի  վրա փորագրված է զարդանախշ հյուսվածք՝ բարդ էլեմենտների  համադրությամբ:

Ամբողջությամբ ձեռագործ աշխատանք է: Պատված է մեղրամոմով, ծխնիներն ու փականները ձուլված են բրոնզից: Նարդու խաղադաշտը մեկ զանգված փայտից է:

Արժեքի մեջ ներառված են՝

• 32 խաղաքարեր պատրաստված փայտի և մետաղի յուրահատուկ համադրությամբ, որի վրա տեղադրված է ալլոյից (ալյումինի և ցինկի ձուլածո) և բրոնզից ձուլված ավետաբեր թռչուն Աղավնի: Խաղաքարերի հիմքը պատված է թավշյա կտորով:
• զառեր՝ պատրաստված փղոսկրից,
• ֆիրմային պայուսակ՝ փայտե բռնակով:

Նարդու համար տրվում է 25 տարվա երաշխիքային հավաստագիր:

Արարատ լեռան ուրվագծով նարդիների հեղինակն է Հրաչյա Օհանյանը՝ 2000թ-ից ի վեր: